(القحط العاطفي)

أحس من فتره إن وايد ناس صار عندهم (قحط عاطفي)ما أقصد العلاقه بين أثنين رجل و إمرأه لا.. حتى بين الأهل..

انا أدري ان التوافق الفكري والمرحله العمريه و مكانة الشخص بالبيت سواء كان هو الشخص المسوؤل أو أصغر أفراد البيت تفرض نفسها في طريقة التعامل بس أحس إن العشره تولد الحب اللي بحد ذاته قادر على دمج الفوارق(مع إن في ناس عشرتهم تقصر العمر والحمدلله رب العالمين ماعندي منهم)

والمشكله إذا ربي ابتلاك بناس يالله لك الحمد على أي زعله يقولون كرامه.. حتى لو يطيح منك قلاص ماي وطشر عليهم واعتذرت.. قالولك كرامتنا ما تسمح لنا ولا تعيدها.. ويستنزفون صبرك وسعه بالك كلها على مواضيع اتفه من حجم العلاقه بينكم

انا ادري المسامح كريم وقلبه أبيض (جعلنا وإياكم من أصحاب القلوب البيضاء) بس والله هذا جهد على النفس وتضييع طاقات على الفاضي

خلصت سالفتي :)

أمنيه..

يارب إلهم قلوبنا الصبر على من أساء واجعلنا أهل للصبر والحكمه